Најголем дел од општините, за разлика од министерствата, редовно ангажираат адвокати. Иако за оваа намена се трошат милионски суми, сепак, општините и министерствата немаат пишани правила за процедурата за набавка на услуги од адвокат.

Пораст има кај приватните и кај верските високообразовни установи, додека кај државните, наспроти големиот и постојан пад, пораст има само на медицинските и на информатичките факултети. УКИМ е најголем губитник, а секој петти студент сака да биде лекар. Бројот на бруцошите, од некогашните 19 илјади е сведен на 15 илјади. Во меѓувреме, бројот на наставен кадар на факултетите се зголемува.

Бројот на средношколци е намален за 20 %. Вкупно, во основното и во средното образование има 27 илјади ученици помалку. Во основните училишта, најголемо намалување на бројот на ученици од дури 57 % има во Ново Село, а кај средните во Пехчево каде само за десет години има 83 % помалку ученици.

Просечната активна транспарентност на министерствата, на Владата и на општините за 2024 година изнесува 80 % (од максимално можни 100 %) и во однос на лани е подобрена за 4 процентни поени (од 76 % на 80 %).

Во земјава има 67 снабдувачи со вода за пиење и секој наплаќа различна цена за својата услуга. Најголем дел од нив имаат различни цени за „домаќинствата“ и за „останатите потрошувачи“, односно правните лица (фирми и институции).