80-те општини и Градот Скопје во 2021 година склучиле договори за јавни набавки во вкупна вредност од 11 милијарди денари, односно околу 183 милиони евра. Ова е досега најголемиот скок на вредноста на јавните набавки на единиците на локалната самоуправа од дури 42 %. Склучени се 3.752 договори за јавни набавки со 1.157 фирми.

Кризата со КОВИД-19, како една од најголемите светски закани во историјата, наметна државните институции да набавуваат средства, опрема и лекови за заштита на граѓаните. Само земјава, за оваа намена, досега потроши повеќе од 2 милијарди денари, односно 33 милиони евра.

Во двете кризни години, државните институции купиле 142 нови воизла за кои платиле 3,6 милиони евра. Најскапото возило чинело 47.000 евра. Најмногу се купени возила од марката „Шкода“. На 83 % од тендерите имало само по една понуда. Повеќе од 40 % од набавените возила се поскапи од 30 илјади евра.

Државните институции склучиле договори за јавни набавки со приватни фирми за механизација, работници, сол и ризла за одржување на улиците и патиштата во зимски услови за сезоната 2021-2022 година во вредност од половина милијарда денари (8 милиони евра).

За разлика од откажаното украсување на градовите и општините за дочекот на Новата 2022 година, државните институции ја продолжија практиката на купување новогодишни пакетчиња за децата. За оваа цел се потрошени 72 илјади евра.