Општините и Градот Скопје во 2015 година на јавни набавки потрошиле 126 милиони евра. Од нив половина, односно 63,3 милиони евра се за тендери доделени на 34 фирми, а останатата половина ја делат дури 1.323 фирми.

Државните институции, во три години, со образложние дека набавката е итна, во постапка со преговарање, без претходно објавување на оглас, склучиле над илјада договори со вкупна вредност од 2,4 милијарди денари односно околу 39 милиони евра, покажува базата на податоци на Центарот за граѓански комуникации

Центарот за граѓански комуникации изработи база на податоци со анекс договорите склучени за јавните набавки во периодот од 2013,2014 и 2015 година. Базата содржи податоци за 390 анекс договори во вкупна вредност од околу 2,2 милијарди денари односно 35 милиони евра.

За набавка на патнички возила, министерствата и другите институции на централната власт, потрошиле 5,3 милиони евра во последните три години. Вкупно се набавени 323 возила, од кои над две третини од Службата за општи и заеднички работи на Владата и од министерствата.

Доминантни се трошоците за користење на механизација и на работници од приватни фирми наспроти трошоците за набавка на индустриска сол и ризла за истурање по патиштата и улиците.