АД Електрани на Северна Македонија

Вкупните приходи во 2019 година се помали за околу 21 % во однос на 2015 година. Во исто време, бројот на вработените пораснал за 5 % и изнесувал 4.751. Сепак, претпријатието работи профитабилно благодарение на поекономичното работење, во 2018 година имало највисока профитабилност со стапка од 12,2 %; во 2019 година профитабилноста паднала на само 1,5 % (просек на 30-те претпријатија за петте години: 6 %).

Завршна сметка на претпријатијето за 2019 година

ЈП за државни патишта, Скопје

Бројот на вработени за 5 години пораснал за 23 %, но истовремено и приходите се зголемиле за 47 %. Претпријатието има висока профитабилност од 34,8 % просечно, односно 33,6 % за 2019 година, што е значително над просекот. Претпријатието ја подобрува својата позиција во однос на добавувачите. Обврските ги плаќа просечно за 228 дена, но во 2019 година овој индикатор е значително подобар и изнесува дури 43 дена.

Завршна сметка на претпријатијето за 2019 година

АД МЕПСО Скопје

Бројот на вработените за 5 години пораснал за 26 %, а на приходите за 4,18 %. Профитабилноста на претпријатието за петте години е променлива и главно зависи од набавната цена на електричната енергија за одделни периоди. Највисока профитабилност претпријатието има во 2015 година (13,5 %), а најмала во 2016 година (3 %), додека стапката на профитабилност за 2019 година изнесува 8,2 %.

Завршна сметка на претпријатијето за 2019 година

ЈСП Скопје

Изворите на финансирање на средствата покажуваат дека претпријатието целосно ги има подјадено сопствените извори на финансирање и дека се работи за компанија што ја поседуваат доверителите. Кредитната способност покажува дека финансиските можности на претпријатието се слаби и дека самофинансирањето е негативна големина.

Завршна сметка на претпријатијето за 2019 година

ЈП Национални шуми, п.о Скопје

Бројот на вработените за 5 години се намалил за 4,5 %, додека вкупните приходи бележат пораст од високи 838 %. Претпријатието успева да работи позитивно, покривајќи ги вкупните расходи во целост и остварувајќи вишок приходи (за 2019 година 2 %). Но, односот на финансиските приходи и финансиските расходи е негативен со оглед на тоа дека честопати за некакви проектни набавки претпријатието се задолжува кај финансиски институции.

Завршна сметка на претпријатијето за 2019 година

ЈП Водовод и канализација - Скопје

Претпријатието остварило нето-добивка за 2019, за разлика од 2018 година, кога искажало загуба во износ од 54.280.652 денари (883 илјади евра). Со загуба работело и во 2015 година. Наплатата на побарувањата има тренд на подобрување на 163 дена за 2019 година. За разлика од наплатата, обврските во просек за анализираниот период ги плаќа за 1.656 дена, а во 2019 година овој рок изнесува 1.636 дена.

Завршна сметка на претпријатијето за 2019 година

Железници на РСМ Транспорт АД - Скопје

Вкупните приходи во 2018 година се помали за 21 % во однос на 2019 година, а бројот на вработените се намалил за 18,6 %. Претпријатието постојано искажува загуба во работењето во анализираниот 5-годишен период. Кредитната способност покажува дека вкупните долгови на претпријатието се поголеми од нејзиниот капитал и резерви.

Завршна сметка на претпријатијето за 2019 година

ЈП Комунална хигиена - Скопје

Вкупните приходи во 2019 година се поголеми за околу 4,3 % во однос на вкупните приходи искажани во 2015 година. Во исто време, бројот на вработените се зголемил за 4,2 %. Наплатата на побарувањата на претпријатието изнесува 80 дена просечно, а плаќањето на обврските за 74 дена. Сопствените извори на финансирање на средствата се високи и ја покажуваат финансиската стабилност на претпријатието.

Завршна сметка на претпријатијето за 2019 година

АД Пошта на Северна Македонија

Трета година по ред претпријатието искажува загуба. Трендот на намалување на приходите за 12,8 %, споредено меѓу 2019 и 2015 година, и намалувањето на бројот на работниците за 9,7 % не биле проследени со соодветно намалување на расходите.

Завршна сметка на претпријатијето за 2019 година

ЈП за одржување и заштита на магистралните и регионалните патишта
Македонијапат - Скопје

Компанијата, на крајот од 2019 година, има основна главнина, резерви и тековна добивка во износ од 132.662.916 денари, а пренесена загуба од дури 760.391.147 денари. Загубата за 6 пати ги надминува капиталот и резервите. Обврските на компанијата на крајот од 2019 година изнесуваат 1.181.609.987 денари и се повисоки за повеќе од 9 пати од капиталот и резервите на компаниите. Компанијата е „поседувана“ од доверителите. Вистинско решение за ваквата состојба е санирање на компанијата.

Завршна сметка на претпријатијето за 2019 година

АД М-НАВ Скопје

Вкупните приходи во 2019 година бележат раст од 39,2 %, споредени со 2015 година. Бројот на вработените во 2019 година изнесува 300 лица, што е зголемување во однос на 2015 година (270 лице) за 11 %. Средствата што ги поседува претпријатието 88 % се финансирани од сопствени извори, додека 12 % од поседуваните средства се набавени на товар на добавувачите (кредиторите).

Завршна сметка на претпријатијето за 2019 година

Национална радиотелевизија - Скопје

Вкупните приходи во 2019 година се помали за 28 % во однос на 2015 година. Во истиот период, бројот на вработените се намалил за 15 %. Претпријатието не врши доволна контрола на трошоците и покрај намалувањето на бројот на вработени.

Завршна сметка на претпријатијето за 2019 година

ЈП за железничка инфраструктура МЖ - Скопје

Претпријатието постојано искажува загуба во работењето во анализираниот 5-годишен период. Вкупната загуба изнесува 2.756.329.216 денари (околу 44,8 милиони евра). Средствата што ги поседува претпријатието 92 % се финансирани од сопствени извори, додека 8 % од поседуваните средства се набавени на товар на добавувачите (кредиторите).

Завршна сметка на претпријатијето за 2019 година

АД за изградба и стопанисување со станбен простор и со деловен простор
од значење за Републиката

Вкупните приходи во 2019 година се помали за 47,9 % во однос на 2015 година. Во исто време, бројот на вработените се зголемил од 317 во 2015 година на 362 вработени во 2019 година (14 %). Кредитната способност покажува дека вкупните долгови на претпријатието се половина од нејзиниот капитал и резерви (42 % во просек и 45 % во 2019 година), а степенот на самофинансирање е исто така слаб (27 % просечно, односно 26 % за 2019 година).

Завршна сметка на претпријатијето за 2019 година

АД Водостопанство на РСМ

Просечната стапка на профитабилност на претпријатието од 8,7 % e повисока од онаа на анализираните претпријатија, која изнесува 6%. Од средствата што ги поседува претпријатието, 24 % се финансирани од сопствени извори (за 2019 година овој процент изнесува само 6 %), додека 76 % (за 2019 година овој процент изнесува 94 %) од поседуваните средства се набавени на товар на добавувачите (кредиторите).

Завршна сметка на претпријатијето за 2019 година

ЈП Паркови и зеленила - Скопје

Во три од анализираните четири години претпријатието работи со загуби. Освен за 2016 година, за останатите години искажана е загуба во вкупен износ од 34.137.349 денари (555.000 евра). Во исто време, бројот на вработените е намален за 5%. Односот на финансиските приходи и финансиските расходи е негативен во просек и изнесува –92%.

Завршна сметка на претпријатијето за 2019 година

ЈП за комунални дејности Комуналец Ц.О Струмица

Претпријатието работи со добивки во анализираниот период, вкупните расходи ги покрива со вкупните приходи и остварува вишок од 3 % во анализираниот период од 5 години. Претпријатието ги наплатува побарувањата за 449 дена просечно за петте години, односно за 461 ден за 2019 година. Претпријатието ги плаќало обврските за 437 дена во просек за анализираниот период, а во 2019 година овој рок е зголемен на 581 ден. Претпријатието има најголем процентуален пораст на бројот на вработените од сите 30 анализирани претпријатија за петте години, со процент на пораст од 59,2 % (од 240 вработени во 2015 на 382 вработени во 2019 година).

Завршна сметка на претпријатијето за 2019 година

ЈП Улици и патишта Скопје

Вкупните приходи на ЈП Улици и патишта Скопје во 2019 година се поголеми за 39,1 % во однос на вкупните приходи искажани во 2015 година, а бројот на вработените е зголемен за 14,3 %. Просечната стапка на профитабилност на претпријатието изнесува 10,9 %. Претпријатието ги наплатува побарувањата за 202 дена просечно, а обврските ги плаќало за 234 дена просечно.

Завршна сметка на претпријатијето за 2019 година

ЈП Национална Радиодифузија - Скопје

Вкупните приходи на претпријатието во 2019 година се помали за 25,7 % во однос на 2015 година, а бројот на вработените е намален за 17,1 %. Но, просечната стапка на профитабилност на претпријатието е висока и изнесува 24,6 % просечно за анализираниот период, а за 2018 година дури 36,0 %. Профитабилноста на компанијата е неколкукратно повисока од онаа на анализираните претпријатија.

Завршна сметка на претпријатијето за 2019 година

Меѓуопштинско ЈП ПРОАКВА Струга

Претпријатието е ликвидирано во 2019, и за последната година од оваа анализа истото не е земено предвид. За останатиот четиригодишен период, со исклучок на 2018, во сите останати години остварена е нето-загуба. Во периодот од 2015 до 2018 година, вкупните приходи на претпријатието имаат нагорен тренд (зголемени за 34,6 %). Во истиот период претпријатието го има намалено бројот на вработените за 7,3 %. Претпријатието со сопствени извори финансира само 10 % од своите средства, а останатите 90 % од средствата се набавени на товар на добавувачите (кредиторите).

ЈКП Водовод Битола

Вкупните приходи во 2019 година се поголеми за 8 % во однос на вкупните приходи искажани во 2015 година. Претпријатието искажува загуба за 2017 година во износ до 26.316.409 денари (428.000 евра). Бројот на вработените во 2015 година изнесувал 230 и се намалил на 215 вработени во 2019 година, односно бројот на вработените се намалил за 6,5 %. Просечната стапка на профитабилност на претпријатието е ниска и изнесува само 0,3 %.

Завршна сметка на претпријатијето за 2019 година

ЈП за комунално-производни и услужни работи ИСАР ПО Штип

Вкупните приходи во 2019 година се поголеми за околу 2,3 % во однос на 2015 година. Во исто време, бројот на вработените се намалил за 1,8 %. Кредитната способност покажува дека вкупните долгови на претпријатието во просек се незначително пониски од нивниот капитал и резерви и изнесува 97 %, додека степенот на самофинансирање е во безбедна зона, со просечни 80 % (80 % во 2019 година).

Завршна сметка на претпријатијето за 2019 година

ЈП Водовод Куманово со Ц.О Куманово

Профитабилноста на претпријатието во анализираниот период е променлива. Најголема нето-добивка претпријатието има во 2019 година, додека во 2017 и 2018 остварува нето-загуба. Претпријатието главно се финансира со задолжување. Само 18 % од средствата претпријатието ги финансира со сопствени извори, додека останатите 82 % се набавени на товар на добавувачите (кредиторите). Претпријатието не е економично. Во анализираниот период, вкупните приходи ги покриваат вкупните расходи и остваруваат вишок од незначителен 1%.

Завршна сметка на претпријатијето за 2019 година

ЈП Стрежево Битола

Во сите години што се предмет на оваа анализа претпријатието остварува нето-загуба. Претпријатието не е економично. Не успева да ги покрие вкупните расходи со вкупните приходи, односно со вкупните приходи остава непокриени –51 % од вкупните расходи во анализираниот период. Овој показател за 2019 година изнесува –50 %.

Завршна сметка на претпријатијето за 2019 година

АД ГРАДСКИ ТРГОВСКИ ЦЕНТАР - Скопје

Претпријатието не работи профитабилно. Во просек, во анализираниот 5-годишен период, претпријатието остава –13 % од вкупните расходи непокриени со вкупните приходи. Во 2019 година овој показател е влошен и изнесува –16 %. Во исто време, бројот на вработените пораснал за 7,9 % во петгодишниот период. Со оглед на тоа што ГТЦ се финансира со сопствени средства и има ниски финаниски расходи, проблемот на претпријатието лежи во ниските оперативни приходи.

Завршна сметка на претпријатијето за 2019 година

ЈКП Тетово ц.о Тетово

Во три од анализираните години (од 2016 до 2018), претпријатието искажува загуба. Приходите во 2019 бележат зголемување од 68,2 % во однос на 2015, а бројот на вработените се намалил за 21,3 %. Наплатата на побарувањата на претпријатието изнесува 1.146 дена просечно, а обврските во просек за анализираниот период ги плаќало за 1.229 дена.

Завршна сметка на претпријатијето за 2019 година

ЈКП Водовод Кочани

Претпријатието работи позитивно во анализираниот период, остварува вишок од 1% во анализираниот период од 5 години, а за 2019 година расходите се речиси еднакви на приходите. Претпријатието ги наплатува побарувањата на претпријатието за 473 дена просечно, а обврските во просек за анализираниот период ги плаќало за 160 дена.

Завршна сметка на претпријатијето за 2019 година

АД за производство на електрична енергија, ТЕЦ Неготино

Претпријатието работи позитивно во анализираниот период, односно остварува вишок од 5 %. Од средствата што ги поседува претпријатието, 99 % се финансирани од сопствени извори, додека 1 % од поседуваните средства се набавени на товар на добавувачите (кредиторите).

Завршна сметка на претпријатијето за 2019 година

ЈКП Дервен Велес

Претпријатието искажува загуба за 2018 и 2019 година, како и тренд на стагнирање на вкупните приходи (во 2019 стапката на пораст, споредена со 2015 година, изнесува само 0,5 %). Во анализираниот период бројот на вработените е намален за 8,8 %. Просечната стапка на профитабилноста за анализираните 5 години изнесува 2,8 %. Претпријатието ги наплатува побарувањата за 598 дена просечно, а обврските, во просек за анализираниот период, ги плаќало за 167 дена.

Завршна сметка на претпријатијето за 2019 година

АД Државна лотарија

Вкупните приходи на претпријатието во 2019 година бележат раст од 322,3 % споредени со 2015 година. Во истиот период, бројот на вработените бележи раст од 37,8 %. Односот на финансиските приходи и финансиските расходи е високопозитивен. Претпријатието е високоликвидно. Паричните средства се доволни за покривање на краткорочните обврски (моменталната ликвидност во просек е 154 %, односно 219 % во 2019 година).

Завршна сметка на претпријатијето за 2019 година