Индекс на рационалност за РТГ филмови за рентген снимки
Здравствените институции ги купувале РТГ филмовите од неколку различни добавувачи, во различни количини, но по идентична цена. Индексот на рационалност за овој производ покажува дека разлики во цените не постојат, иако за РТГ филмовите надлежните институции не определуваат максимални цени. Притоа, како што може да се види од следните три табеларни прикази, до оваа констатација се доаѓа кога ќе се споредат РТГ филмовите со три различни димензии (18х24; 24х30 и 35х35 см) кои се најчесто користени. Оттука, пакување од 100 РТГ филма со димензии 18х24 см во сите здравствени институции е купуван по цена од 2.336 денари со ДДВ. Пакувањето од 100 РТГ филма со димензии од 24х30 см сите институции го купувале по цена од 3.894 денари. А, како што може да се види од третиот табеларен приказ кутија од 100 РТГ филма со димензии 35х35 см секаде е купувана по цена од 6.832 денари. При купувањето на овој потрошен медицински материјал сите здравствени институции примениле транспарентна постапка или со барање за прибирање на понуди или со отворени постапки. Разлики во цените не се евидентирани иако некој од здравствените институции постапките на крајот ги завршувале со е- аукција, а други не поради отсуство на конкуренција.
Индекс на рационалност за РТГ филм
(цена за 100 РТГ филма со димензии 18x24)
| Договорен орган | Цена во денари со ДДВ |
| ЈЗУ Општа болница “Куманово“ | 2336 |
| ЈЗУ Општа болница, Струга | 2336 |
| ЈЗУ Здравствен дом “Д-р Русе Бошковски“, Маврово- Ростуше | 2336 |
| ЈЗУ Здравствен дом, Виница | 2336 |
| Просек | 2336 |
| ЈЗУ Здравствен дом, Радовиш | 2336 |
| ЈЗУ Универзитетска клиника по хируршки болести “Св.наум Охридски“, Скопје | 2336 |
| ЈЗУ Универзитетска клиника за пулмологија и алергологија, Скопје | 2336 |
| ЈЗУ Клиника за радиологија Скопје | 2336 |
Индекс на рационалност за РТГ филм
(цена за 100 РТГ филма со димензии 24x30)
| Договорен орган | Цена во денари со ДДВ |
| ЈЗУ Општа болница “Куманово“ | 3.894 |
| ЈЗУ Општа болница, Струга | 3.894 |
| ЈЗУ Здравствен дом “Д-р Русе Бошковски“, Маврово- Ростуше | 3.894 |
| Просек* | 3.894 |
| ЈЗУ Здравствен дом, Виница | 3.894 |
| ЈЗУ Здравствен дом, Радовиш | 3.894 |
| ЈЗУ Универзитетска клиника по хируршки болести “Св.наум Охридски“, Скопје | 3.894 |
Индекс на рационалност за РТГ филм
(цена за 100 РТГ филма со димензии 35x35)
| Договорен орган | Цена во денари со ДДВ |
| ЈЗУ Општа болница “Куманово“ | 6.832 |
| ЈЗУ Општа болница, Струга | 6.832 |
| ЈЗУ Здравствен дом “Д-р Русе Бошковски“, Маврово- Ростуше | 6.832 |
| ЈЗУ Здравствен дом, Виница | 6.832 |
| Просек* | 6.832 |
| ЈЗУ Здравствен дом, Радовиш | 6.832 |
| ЈЗУ Универзитетска клиника по хируршки болести “Св.наум Охридски“, Скопје | 6.832 |
| ЈЗУ Универзитетска клиника за пулмологија и алергологија, Скопје | 6.832 |
Во изработка на индексот беа вклучени 11 договорни органи кои спровеле постапка за јавна набавка за овој вид медицински потрошен материјал во првите 7 месеци од 2013 година. Одговор за побараната информација не достави само ЈЗУ Специјална болница за ортопедија и трауматологија „Свети Еразмо“ Охрид. Градска општа болница „8 Септември“ Скопје достави податоци за РТГ филмовите што ги купува, но со димензии од 8x10; 10x12 и 14x17 см кои не беа компатибилни со димензиите на другите здравствени институции со што беше оневозможена споредба на податоците. Од ЈЗУ Универзитетска клиника за радиологија и онкологија пак информираа дека посочениот тендер за набавка на РТГ материјали им е поништен бидејќи ниту еден добавувач не доставил понуда. Оттука индексот на рационалност за набавка на РТГ филмовите е изработен со вклучување на 8, односно 7 институции во зависност од димензиите на филмовите. Индексот за рационалност за набавка на овој медицински материјал покажа дека не постои никакво отстапување на цените без оглед на применетите постапки кои некаде биле со барање за прибирање на понуди, а некаде се спровеле отворени постапки. Кај сите е применет критериумот за избор ,најниска цена΄. Притоа цената која ја доставувале добавувачите не се менувала ниту во случаи кога се спроведувала е-аукција. Како што може да се види од следните прикази, цената на овој медицински потрошен материјал не се менувала ниту како последица на купените количини. За набавка на РТГ филм со димензии 18х24 см иста цена платил и ЈЗУ Здравствен дом “Д-р Русе Бошковски“, Маврово-Ростуше кој купил само 300 листа (3 кутии х 100 филма) и ЈЗУ Клиника за радиологија Скопје која купила 14.500 листови.
Купени количини на РТГ филм со димензии 18x24
| Договорен орган | Број на купени пакувања со по 100 филма |
| ЈЗУ Општа болница “Куманово“ | 110 |
| ЈЗУ Општа болница, Струга | / |
| ЈЗУ Здравствен дом “Д-р Русе Бошковски“, Маврово-Ростуше | 3 |
| ЈЗУ Здравствен дом, Виница | 20 |
| ЈЗУ Здравствен дом, Радовиш | 20 |
| ЈЗУ Универзитетска клиника по хируршки болести “Св.Наум Охридски“, Скопје | 80 |
| ЈЗУ Универзитетска клиника за пулмологија и алергологија, Скопје | 15 |
| ЈЗУ Клиника за радиологија Скопје | 145 |
Промена во цената немало ниту кај РТГ филмот со димензии 24х30 см иако и овде Општата болница од Куманово ги купила најголемите количини наспроти Здравствениот дом во Ростуше.
Купени количини на РТГ филм со димензии 24x30
| Договорен орган | Број на купени пакувања со по 100 филма |
| ЈЗУ Општа болница “Куманово“ | 150 |
| ЈЗУ Општа болница, Струга | / |
| ЈЗУ Здравствен дом “Д-р Русе Бошковски“, Маврово-Ростуше | 3 |
| ЈЗУ Здравствен дом, Виница | 12 |
| ЈЗУ Здравствен дом, Радовиш | 23 |
| ЈЗУ Универзитетска клиника по хируршки болести “Св.Наум Охридски“, Скопје | 80 |
Разлики во цените не се јавиле ниту кај РТГ филмот со димензии 35х35 см иако овде се евидентирани и најголемите разлики во купените количини.
Купени количини на РТГ филм со димензии 35x35
| Договорен орган | Број на купени пакувања со по 100 филма |
| ЈЗУ Општа болница “Куманово“ | 215 |
| ЈЗУ Општа болница, Струга | / |
| ЈЗУ Здравствен дом “Д-р Русе Бошковски“, Маврово-Ростуше | 2 |
| ЈЗУ Здравствен дом, Виница | 12 |
| ЈЗУ Здравствен дом, Радовиш | 14 |
| ЈЗУ Универзитетска клиника по хируршки болести “Св.Наум Охридски“, Скопје | 10 |
| ЈЗУ Универзитетска клиника за пулмологија и алергологија, Скопје | 60 |
